قصائد وخواطر راقت لي: مرثية العنود - مرحوم يامن عن عيوني تواريت

مرثية العنود - مرحوم يامن عن عيوني تواريت

3:26 م | مرسلة بواسطة THE AYMAN | تعديل الرسالة

مرحوم يا من عن عيوني تواريت

أودعتك اللي ما يخون الوداعة

ليتك مع الحَيِين يا علي ظليت

و أشوف زولك كل وقت و ساعة

كأنك أمامي حي تَوَّك تِعَدِّيت

عليك زادت لوعتي و التِياعه

على فراقك غالي الدمع هَلِّيت

يوم أتذكر ضحكتك كل ساعة

ياما بكيت و صوب قبرك تِعَنِّيت

أبغى سلاما طامعا بالقناعة

قبرك عساه به ينبت الورد تَنْبِيت

وردا من الفردوس زان رباعه

دعيتلك بالخمس لين قمت صليت

بالجنة العليا بعيد اتِّسَاعَه

ودي بدالك في المجنة تعاليت

الكل ميت يا علي و له ساعه

غناء / العنود

التسميات: مرثيات